فيلم حياة الماعز 2024 The Goat Life
الفيلم الهندي حياة الماعز 2024
الفيلم الهندي الذي عمل ضجة اعلاميه في عالم السوشيال ميديا
في الحقيقية انا مش من هواة الافلام منذ فترة طويلة
ولكن لما وجدت ضجة علي هذا الفيلم جالي فضول اسمعه .
أهم ما تضمنه فيلم حياة الماعز 2024
واضح جدا ان المخرج عايز يوصل عدة رسايل للعالم كله والشعب الهند علي وجه الخصوص. ومن اهمها :
1-عايز يوصل للعالم ان نظام الكفيل هو نظام عبودية والكفيل يعمل ما شاء في العاملين عنده.
2-رسالة لشعب الهند بعدم ترك وعدم السعي لاحلام في النهاية هي سراب.
3-علي الرغم من ان الهند ليست دولة اسلامية الا انها حافظت علي الهوية الإسلامية لابطال الفيلم الهنود والمحافظة علي الصلاة وطريقة التيمم بالرمال في حالة عدم توفر ماء للوضوء والدعاء والتضرع لله في وقت الشدة.
4-رسالة ان العامل الهندى مخلص في عمله.
5-رسالة أخرى وهي اظهار شاب أفريقي عربي مسلم متدين رحيم زكي فطن كريم جدا.
6-للاسف الفيلم اساء لشعب السعودية وليس الكفيل فقط مع انه لم يذكرهم بكلمة واحدة ولكن الرسالة واضحة لهم
وهنا الكاتب بصراحة غير منصف في نهاية الرواية لانه ربما قد يوجد بعض الكفلاء سيء الخلق ولا يعرفون الله
الا انه توجد اناس كتير جدا في السعودية كرماء بزيادة رحماء بالضعيف يكرمون الضيف يعرفون الله.
وانا من رأيي يتم الغاء الكفيل ويكون نظام العمل بالتعاقد يلزم الطرفين بالبنود الموجودة به.
لماذا فيلم حياة الماعز أصبح تريند
بمناسبة فيلم حياة الماعز الترند الي طالع ان الفيلم بيشوه الاسلام وانا اتحدي واحد من الي قالو كده يكون سمع الفيلم ويجيب دليل علي الكلام ده..
بالعكس نجيب وصاحبه والراجل الافريقي الي تم اختطا...فهم طالعين مسلمين ومؤمنين بالله ده غير ان الفيلم اظهر واحد سعودي من نفس البلد هو الي اشفق عليه وساعده صحيح الجزء الاكبر في الفيلم سئ في حق السعوديه بس انصف الراجل الي ساعده وده اقرار منهم ان في الحلو وفي الوحش..
لازم تفهم الاول انت معترض علي ايه معترض علي تشويه السعوديه ولا معترض علي تشويه الاسلام لو معترض علي تشويه الاسلام حابب اقولك الفيلم لا يمس الاسلام بسوء والسعوديه مش هي الاسلام والا يبقي الي بيحصل في السعوديه حاليا اساءة للاسلام منهم شخصيا..
لو زعلان علي ان الفيلم بيسئ للسعوديه مكانش ابناء الراجل صاحب المزرعة اشفقو علي العامل ولموله تبرعات وسامحوه بسبب الي حصله.
لو مشكلتك مع منتج الفيلم انه هندو..سي وعنده اجندات انت حر برده انا مش شايفه في الفيلم ده تحديد اساء للاسلام وبلاش كلام كوبي بيست من صفحات ملوش لزمه + اني معرفش المنتج ولا يلزمني في الجرْمه اصلا ولا بدعمه..
انا موافق علي الفيلم جدا لتحسين اوضاع العماله في الخارج والي اتذكر ده اتحكالي مشابه ليه من جدي رحمه الله عليه للهنود والبنجال وللمصرين نفسهم في دول تانيه..
ملحوظه اخيره وارد يكون الفيلم فيه اسقاطات وغلطات وبعض المبالغات ده شئ طبيعي لاي عمل فني مقتبس عن قصة حقيقه بيحاول يزود الدراما شويه علشان العمل ينجح..